En matemáticas continuamos coas fraccións, agora as operacións. Preme e accede a diferentes actividades logo de volver a ver o traballado na clase.
En naturais para a nutrición SI PINCHAS na imaxe , irás a o blog de Luisa María alí hai páxinas nas que se desenvolven as preguntas principais do tema que estamos a estudar . Despois, podes avaliarte e...xogar.
No tema de sociais, a modo de resumo, podes ver o seguinte vídeo. Para saber máis e facer xogos e probas valorativas entra na imaxe inferior ao vídeo.
Galego: un repaso á ortografía.
Preme e xoga
E agora centrémonos no verbo. Aquí tedes 2 grupos de actividades.
E agora actividades para acompañar os contidos de castelán:
Moito aprendemos dos hippies, dos seus valores, das súas vestimentas, da súa época, ...
Fixemos unha webquest, ensaiamos, relaccionamos os hippies coa temática do PDI...E chegou por fin o día de sair polas rúas a lucir o noso disfrace e chegar ao pavillón a cantar a copla da nosa comparsa coa música de "Californoa dreamin´" (The mamas and the papas) que acompañou a moitas festas dos 60´ e facer a festa do Entroido na aula coas sobremesas propias destas datas achegadas polas familias.
Aquí queda unhas montaxes con imaxes para o recordo e o video da actuación.
Agora a gozar do Antroido da vila nestes días de festas . O xoves, á volta das vacacións de Carnaval, queimaremos o Antroido ao ritmo do Xa Morreu!
Non olvidedes o loito que este ano levamos nós o cadaleito e faremos de viúvas e viúvos.
No blog de música tedes a canción, premede na imaxe para lembrala.
Rematou a festa! Adeus Antroido! O xoves á volta de vacacións acompañamos ao defunto, chorando e cantando o Xa Morreu! O alumnado de sexto enloitado desfilou detras do morto. Eles e elas levaron a ombros o cadaleito. Como viúvos e viúvas despedírono mentres se queimaba.
O Entroido abarca un período de tempo máis ou menos amplo, dependendo das celebracións típicas de cada zona. En sentido máis estrito, denomínanse o domingo, luns e martes de Entroido, pero a festa nalgúns lugares bota a andar ata cinco semanas antes e mesmo hai sitios onde os chamamentos comezan co ano novo. Curiosamente, hai localidades que contradín o carácter variable destas festas e estableceron unha data fixa de inicio, como son Vilariño de Conso ou Verín, onde, caia cando caia o Entroido, comeza o día de san Antón (17 de xaneiro) ou o da Candeloria (2 de febreiro).
Na nosa terras a Candeloria abre as portas ás preparacións do Entroido xa próximo: As casas arrecenden a orellas e a freixós; comezamos a rimar os primeiros versos das letras das comparsas; a preparar os disfraces, etc.
A comparsa do cole deste ano terá a temática "No Couceiro pola Igualdade" e antes de preparar o disfraz ou a cantiga do noso grupo imos investigar sobre unha cultura que entre os seus valores tiña a paz, o amoe etamén a igualdade.
Traballade nesta webquest, premendo na imaxe!
Agora xa sabedes que a filosofía hippie coincide nalgunha das ideas e valores centrais do noso PDI, non?
Pois, fiando "con moita liberdade", este curso o alumnado maior da escola, os quintos e sextos, imos ir de hippies, levando a bandeira da igualdade e esperando que a igualdade non quede só no disfrace.
Na escola faremos os colgantes coa temática da igualdade de xénero; mais na casa podemos adoviar a nosa vestimenta con outros símbolos hippies, con cintas no pelo, perrucas, flores, cintos e cor, moita cor, e flores, moitas flores! E ata podemos levar a furgo, animádevos?
Tamén necesitamos moita marcha para cantar polas rúas da vila e no pavillón a copla da nosa comparsa. Aquí queda a letra e a música para ir ensaiando!
"Somos do Couceiro
e cantamos ben
chegamos de hippies
a pasalo ben!
Somos do Couceiro,
e ti de que vés?
Nós somos os hippies:
Paz, amor e mel.
Para as filloas
"paos" freixós tamén,
e neste Entroido
moito imos comer.
Aquí traemos paz e amor
a igualdade será
unha realidade
que non sexa un "disfraz"!
(Na segunda vez, logo da parte instrumental, a 1ª e a 4ª estrofa, cantando 3 veces os dous últimos versos. O subliñado vai en eco, do nº 1 ao 15 a voz e do 16 ata o final da clase o eco.)
(Se non o vedes, premede en "disfruta este vídeo en you tube")
Agora xa é tempo de ir preparando o disfrace, parece cómodo e fácil de facer reutilizando prendas que teñamos por casa, non?.
