En 6º estamos a falar da saúde, os bos hábitos, a alimentación sa...Pero tamén das enfermidades infecciosas ou non, dos síntomas, signos , diagnósticos e das vacinas.
O alumnado de Valores de 6ºA realizou en grupo traballos por mor do Día da Paz e non Violencia, onde partindo da observación dos virus da violencia e das súas formas de ataque,elaboraron unhas curiosas vacinas para a Paz e Bo trato. Escoitade que fórmulas tan interesantes ten esta campaña de vacinación antiagresividade!
O alumnado de Valores da nosa aula e o alumnado de 3ºA asistiu á primeira exposición. Agora quedan os murais no corredor de Primaria para que todo o alumnado do cole poda ver o seu traballo.
A continuación fomos á aula de 3ºA onde co gallo do Día da Paz inauguraron a Vila da Igualdade.Vila chea de harmonía e fermosura elaborada de forma autónoma polas nenas e nenos de 3ª A con recortables achegados pola Biblioteca Escolar.
Este día celébrase o 30 de xaneiro, dedicado a conmemorar nas escolas unha cultura de non violencia e paz.
A educación en tolerancia, solidariedade, harmonía, respecto por dereitos humanos, non violencia e paz son motivos para recordar o 30 de xaneiro. No Día da Paz, as escolas comprométense como defensores da paz e a comprensión entre persoas de diferentes orixes e formas de pensar .
Neste día celébrase o aniversario da morte de Mahatma Gandhi (India, 1869-1948), un líder pacifista que defendeu e promovió a non violencia e a resistencia pacífica á inxustiza e que foi asasinado por defender estas ideas.
Unha educación inspirada nunha cultura de non violencia e paz permite aos nosos alumnos adquirir coñecementos, actitudes e competencias que reforzan o seu desenvolvemento como críticos cidadáns globais comprometidos cos seus dereitos e cos dos demais.
Na escola adoitamos procurar cada día estes valores: tolerancia, respecto, non violencia....
Mais agora que se achega o 30 de Xaneiro, Día da non Violencia e da Paz imos visualizar estes videos, ler libros, debuxar, debater, cantar...
Así seguro, daremos un paso máis cara a PAZ!
Co gallo do Día da Paz e para iniciar as actividades o alumnado de 5ºA tentou definir por oposición á guerra o que é para eles e elas a Paz.
Agora están a prepara as actividades artísticas, plásticas e musicais para participar xunto con toda a Comunidade Educativa nos actos centrais da Non Violencia e a Paz.
Imos cantar e bailar esta canción de mamá Cabra. Os máis pequenos xa teñen a coreografía!
Pero tamén imos traballar coa mestura de cores para procurar o branco que simboliza a PAZ.
Para iso faremos un xoguete tradicional "O zumbador " Adoita facerse cun botón grande e xa zumba pero como nós ademais queremos facer a cor branca ollade neste video como facelo e como funciona.
