No mes de marzo comezamos coas sesións de filosofía onde traballamos valores como a cooperación e a importancia do traballo en grupo.
Tivemos como base o óleo “Muchachos subiendo a un árbol” de Francisco Goya, pintado a fins de 1791. Na imaxe vemos a tres raparigos tratando de subir a unha árbore. Un deles agáchase para que outro poida apoiarse nel, e o terceiro empúxalle por detrás.
- Que vedes?, Coidades que son nenos/as actuais? Por que?, Que poden estar facendo?, Onde pensades que poden estar?, Como cres que se senten?, E agora que vedes?, Que poden estar facendo? Por que?, Onde pensades que poden estar?, Que credes que senten agora? …..
A continuación , pasamos ás habilidades de Razoamento.
- Para cooperar que necesitamos?. Se non se axudan que podería pasar?
Logo en grupo redactamos a historia que fixeramos entre o grupo e elaboramos diferentes textos, tantos como grupos de tres nenos e nenas, como no cadro.
A avaliación da tarefa tamén foi moi divertida pois tiñamos que pensar con cal das tres imaxes de abaixo sentiamonos máis identificados e por que razóns..
Foi unhas sesións moi aproveitadas !!!
Pero hoxe facendo gala do aprendido sobre a importancia da cooperación e do traballo en equipo, experimentamos o reflictido no cadro de Goya. Que ben o pasamos, pensando, opinando e experimentando conceptos como axuda, colaboración, integración...
Esto de aprender a pensar eche ben entretido!
